Jai Hanuman Gyan Gun Sagar Lyrics & English Translation

Shree Guru Charan Saroj Raj Nij Man Mukur Sudhari
Barnaun Raghubar Bimal Jasu Jo Dayaku Phal Chari
Buddhiheen Tanu Jaanike Sumirau Pawan Kumar
Bal Buddhi Vidya Dehu Mohi Harahu Kalesh Vikaar

Jay Hanuman Gyan Gun Sagar
Jay Kapis Tihun Lok Ujagar

Ramdoot Atulit Bal Dhama
Anjani Putra Pawan Sut Nama

Mahaveer Vikram Bajrangi
Kumati Nivaar Sumati Ke Sangi

Kanchan Varan Viraj Subesa
Kanan Kundal Kunchit Kesha

Haath Vajra Oar Dhwaja Virajai
Kaandhe Munj Janeu Sajai

Shankar Suvan Kesari Nandan
Tej Pratap Maha Jag Vandan

Vidyavaan Guni Ati Chatur Ram Kaj Karibe Ko Aatur
Prabhu Charitra Sunibe Ko Rasiya
Ram Lakhan Sita Man Basiya

Sukshma Roop Dhari Siya Hi Dikhava
Vikat Rup Dhari Lank Jarava

Bheem Roop Dhari Asur Sanghare
Ramchandra Ke Kaj Sanvare

Laye Sanjeevan Lakhan Jiyaye
Shree Raghubir Harashi Oor Laye

Raghupati Kinhi Bahut Badaayi
Tum Mam Priya Bharat Hi Sam Bhai

Sahas Badan Tumharo Yash Gaave
Asa Kahi Shreepati Kanth Lagaave

Sankadik Brahmadi Muneesa
Narad Sarad Sahit Aheesa

Yam Kuber Digpaal Jahan Te
Kavi Kovid Kahi Sake Kahan Te

Tum Upkar Sugreev Hee Keenha
Ram Milaye Rajpad Deenha

Tumharo Mantra Vibheeshan Maana
Lankeshwar Bhaye Sub Jag Jana

Yug Sahastra Yojan Par Bhaanu
Leelyo Taahi Madhur Phall Janu

Prabhu Mudrika Meli Mukh Maahi
Jaladhee Langh E Gaye Achraj Naahi

Durgam Kaj Jagat Ke Jete
Sugam Anugraha Tumhre Tete

Ram Dware Tum Rakhware
Hot Na Aagya Binu Paisare

Sab Sukh Lahe Tumhari Sharna
Tum Rakshak Kahu Ko Darna

Aapan Tej Samharo Aape Teenon Lok Haankte Kanpe
Bhoot Pishaach Nikat Nahi Aavey Mahaveer Jab Naam Sunave

Naase Rog Hare Sab Peera
Japat Nirantar Hanumant Beera

Sankat Se Hanuman Chhudave
Man Kram Vachan Dhyan Jo Lave

Sab Par Ram Tapasvi Raaja
Tin Ke Kaj Sakal Tum Saja

Aur Manorath Jo Koii Lavai
Sohi Amit Jeevan Phal Pavai

Charon Yug Pratap Tumhara
Hai Prasiddh Jagat Ujiyaara

Sadhu Sant Ke Tum lyrirea Rakhware
Asur Nikandan Ram Dularay

Ashta Siddhi Nav Nidhi Ke Data
Asvar Deen Janaki Mata

Ram Rasayan Tumhare Pasa
Sada Rahho Raghupati Ke Daasa

Tumhare Bhajan Ram Ko Pavai
Janam Janam Ke Dukh Bisravai

Ant Kaal Raghubar Pur Jayi
Jahan Janam Hari Bhakt Kahai

Aur Devta Chit Na Dharai
Hanumant Se Hi Sarva Sukh Karai

Sankat Kate Mite Sab Peera
Jo Sumirai Hanumat Balbeera

Jai Jai Jai Hanuman Gosai
Kripa Karahu Gurudev Ki Nai

Jo Sat Baar Paath Kare Koi
Chhootehi Bandhi Maha Sukh Hoi

Jo Yaha Padhe Hanuman Chalisa
Hoye Siddhi Sakhi Gaurisa

Tulsidas Sada Hari Chera
Keejai Nathh Hriday Mahadera

Pawan Tanay Sankat Haran Mangal Murti Rup
Ram Lakhan Sita Sahit Hriday Basahu Sur Bhoop

श्री गुरु चरण सरोज रज निज मन मुकुर सुधारि।
बरनऊं रघुबर बिमल जसु जो दायकु फल चारि॥

बुद्धिहीन तनु जानिके सुमिरौं पवन कुमार।
बल बुद्धि विद्या देहु मोहि हरहु कलेश विकार॥

जय हनुमान ज्ञान गुण सागर।
जय कपीस तिहुं लोक उजागर॥

रामदूत अतुलित बलधामा।
अंजनि-पुत्र पवनसुत नामा॥

महावीर विक्रम बजरंगी।
कुमति निवार सुमति के संगी॥

कंचन वरण विराज सुबेसा।
कानन कुंडल कुंचित केसा॥

हाथ वज्र और ध्वजा विराजै।
कांधे मूंज जनेऊ साजै॥

शंकर सुवन केसरी नंदन।
तेज प्रताप महा जग वंदन॥

विद्यावान गुणी अति चातुर।
राम काज करिबे को आतुर॥

प्रभु चरित्र सुनिबे को रसिया।
राम लखन सीता मन बसिया॥

सूक्ष्म रूप धरि सियहिं दिखावा।
विकट रूप धरि लंक जरावा॥

भीम रूप धरि असुर संहारे।
रामचंद्र के काज संवारे॥

लाए संजीवन लखन जियाए।
श्री रघुवीर हरषि उर लाए॥

रघुपति किन्ही बहुत बड़ाई।
तुम मम प्रिय भरतहि सम भाई॥

सहस बदन तुम्हरो यश गावैं।
अस कहि श्रीपति कंठ लगावैं॥

सनकादिक ब्रह्मादि मुनीसा।
नारद सारद सहित अहीसा॥

यम कुबेर दिगपाल जहां ते।
कवि कोविद कहि सके कहां ते॥

तुम उपकार सुग्रीवहि कीन्हा।
राम मिलाय राजपद दीन्हा॥

तुम्हरो मंत्र विभीषण माना।
लंकेश्वर भए सब जग जाना॥

युग सहस्र योजन पर भानू।
लील्यो ताहि मधुर फल जानू॥

प्रभु मुद्रिका मेलि मुख माही।
जलधि लांघि गए अचरज नाहीं॥

दुर्गम काज जगत के जेते।
सुगम अनुग्रह तुम्हरे तेते॥

राम द्वार तुम रखवारे।
होत न आज्ञा बिनु पैसारे॥

सब सुख लहै तुम्हारी शरणा।
तुम रक्षक काहू को डरना॥

आपन तेज सम्हारो आपै।
तीनों लोक हांकते कांपे॥

भूत पिशाच निकट नहीं आवै।
महावीर जब नाम सुनावै॥

नासे रोग हरे सब पीरा।
जपत निरंतर हनुमत बीरा॥

संकट से हनुमान छुड़ावै।
मन क्रम वचन ध्यान जो लावै॥

सब पर राम तपस्वी राजा।
तिन के काज सकल तुम साजा॥

और मनोरथ जो कोई लावै।
सोई अमित जीवन फल पावै॥

चारों युग प्रताप तुम्हारा।
है प्रसिद्ध जगत उजियारा॥

साधु संत के तुम रखवारे।
असुर निकंदन राम दुलारे॥

अष्ट सिद्धि नव निधि के दाता।
अस वर दीन जानकी माता॥

राम रसायन तुम्हारे पासा।
सदा रहो रघुपति के दासा॥

तुम्हरे भजन राम को पावै।
जनम जनम के दुख बिसरावै॥

अंत काल रघुबर पुर जाई।
जहां जन्म हरि-भक्त कहाई॥

और देवता चित्त न धरई।
हनुमत सेई सर्व सुख करई॥

संकट कटे मिटे सब पीरा।
जो सुमिरै हनुमत बलबीरा॥

जय जय जय हनुमान गोसाईं।
कृपा करहु गुरु देव की नाई॥

जो सत बार पाठ कर कोई।
छूटहि बंदि महा सुख होई॥

जो यह पढ़े हनुमान चालीसा।
होय सिद्धि साखी गौरीसा॥

तुलसीदास सदा हरि चेरा।
कीजै नाथ हृदय मह डेरा॥

पवन तनय संकट हरन, मंगल मूरति रूप।
राम लखन सीता सहित, हृदय बसहु सुर भूप॥